Атырауға сапары барысында белгілі ұстаз, танымал діни қайраткер Арман Қуанышбаев Сұлтан Бейбарыс мешітінің жамағатымен кездесті. Жиын барысында ұстаз мұсылман өміріндегі ең маңызды қағидалардың бірі – дінде орта жолды ұстанудың маңызы туралы насихат айтты.
Кездесуде Арман Қуанышбаев:
«Ислам діні – шектен тыс кетуді де, немқұрайдылықты да құптамайды. Асыл дініміздің негізі – тепе-теңдік, байсалдылық және парасаттылық. Шынайы мұсылман – әдебімен, көркем мінезімен, орта жолды ұстануымен өзгеге үлгі болады», – деп атап өтіп, жамағатты ынтымақ пен бірлікке шақырды.
