Бүгін қасиетті жұма күні Атырау облысының бас имамы Болатбек Ұласқанұлы «Афсона» мейрамханасына Қазақстан мұсылмандары діни басқармасының (ҚМДБ) «Халал Даму» сертификатын табыстады.
Аталған мейрамхана ҚМДБ-ның халал стандартына толық сай келіп, «QMDB Halal» сертификатына ие болды. Бұл құжат өнімдерді дайындау, сақтау, тасымалдау және ұсыну барысындағы барлық үдерістің шариғат талаптарына сай екенін растайды. Сертификаттың жарамдылық мерзімі — 1 жыл.
Салтанатты табыстау рәсімінде бас имам халал тағамның тек діни ғана емес, санитарлық және экологиялық тұрғыдан да пайдалы екенін атап өтті. Ол адал ас тұтынудың маңызын, сондай-ақ кәсіп иелерін жауапкершілікпен жұмыс істеуге үндеді.
Бұл бастама өңірдегі халал индустрияның дамуына оң ықпал етуде.
