amin.kz/ 15 мамыр, 2020 жыл. Қазақстан мұсылмандары діни басқармасының төрағасы Наурызбай қажы Тағанұлы 18 мамырдан бастап, елімізде мешіттердің ашылатындығын жариялаған еді.
«Алайда, Президентіміз Қасым-Жомарт Тоқаев нысандардың ашылуы әр өңірдегі ахуалға, карантин жағдайына байланысты болатындығын мәлімдеді. Қазіргі уақытта Атырауда індет әлі де болса басылмай отыр.
Сол себепті мешіттеріміз карантин режимі аяқталғанша жабық болады» деп атап өтті Атырау облысының Бас имамы Алтыньек Ұтысханұлы.
Және де Бас имам Қадыр түні құлшылықтарды отбасында өткізуге шақырды.
Орталық «Иманғали» мешітінің баспасөз-қызметі.
