Атырау қаласында халал талаптарының сақталуын бақылау мақсатында бірқатар қоғамдық тамақтану және кондитерлік кәсіпорындарға тексеру жұмыстары жүргізілді. Аталған тексеріс Қазақстан мұсылмандары діни басқармасының технолог мамандары Әріпбай Назерке мен Сақимолда Ақмаржан, сондай-ақ «Халал даму» мекемесінің өңірдегі өкілі Назарбай Абдрамановтың қатысуымен өтті.
Мониторинг барысында халал стандарттарының сақталуы, шикізаттың құрамы, өндіріс үдерісі, тазалық талаптары және құжаттамалардың дұрыстығы жан-жақты қаралды. Мамандар кәсіп иелеріне халал талаптарына қатысты түсіндірме жұмыстарын жүргізіп, анықталған кемшіліктер бойынша тиісті ұсыныстар берді.
Тексеру жұмыстары Атырау қаласындағы келесі кәсіпорындарды қамтыды:
«AFSONA» кафесі (Абай көшесі, 9А);
«TRAVELERS COFFEE» (Қ. Сәтбаев көшесі, 17Б);
«CAKES&BAKES» (Құлманов көшесі, 117А);
«COFE RIVER» (Владимирский көшесі, 2В);
«TRAVELERS COFFEE» (М. Өтемісов көшесі, 116Д);
«SARQYT» (Құлманова көшесі, 117А);
«CAKES» (Өтемісов көшесі, 116А);
«NAN» кондитерлік цехы (Құлманова көшесі, 117А).
Айта кетейік, мұндай тексерістер өңірде халал индустриясын дамыту, тұтынушылардың сенімін арттыру және адал өнім өндіру мәдениетін қалыптастыру мақсатында жүйелі түрде жүргізіліп келеді.
