amin.kz/ 30 шілде, 2020 жыл. Қазіргі уақытта атыраулықтардан 181 онлайн өтініш түсіп отыр.
«Бұл туралы Атырау облысында Құрбан айт мерекесін карантин талаптарына сай өткізу жөніндегі штаб отырысында белгілі болды» деп хабарлайды облыстық коммуникациялар қызметі.
Қазіргі уақытта qurban2020.kz сайты арқылы онлайн түрде тапсырыс қабылдау жалғасуда.
Еске сала кетелік, Құрбан шалу 31 шілде күні Атырау уақытымен сағат 8.00-де басталады.
Бүгінгі таңда Атырау облысы əкімдігі тарапынан құрылған штабтан тыс, орталық «Иманғали» мешіті тарапынан 12 бригада құрылды. Аталмыш бригада онлайн арқылы берілген тапсырыс аясында құрбан малын союмен айналысады. Және құрбан шалушыларға фото, видео есептер жіберіліп отырады.
