Астана қаласында Қазақстан мұсылмандары діни басқармасы Діни оңалту бөлімінің ұйымдастыруымен «Қылмыстық-атқару жүйесі мекемелеріндегі теологиялық жұмыстардың ерекшеліктері мен тиімді әдіс-тәсілдері» тақырыбында кәсіби біліктілікті арттыруға арналған екі күндік семинар өз мәресіне жетті.
Оқу-семинарына еліміздің барлық өңірінен қылмыстық-атқару жүйесі мекемелерінде қызмет атқарып жүрген, ҚМДБ-ның діни оңалту бағытына жауапты мамандар қатысты.
Семинар соңында қатысушыларға Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы арнайы сертификат табыс етті.
