Индер ауданының Елтай ауылындағы Шәкәрім Құдайбердіұлы мешітінде зияткерлік сайыс өтті. Сайысқа 3 команда қатысып, білімдерін өзара сарапқа салды.
«Зияткерлік сайыстың мақсаты – жамағат арасында білім алуды, ізденуді насихаттау, бірлікті нығайту. Сайыс барысында қатысушылар Қазақстан тарихы, әдебиеті, руханият және дін саласында қойылған сауалдарға жауап берді» дейді ұйымдастырушылар.
Зияткерлік сайысқа Индер аудандық Әйіп қажы мешіттің наиб имамы Қырықбай Амангелдіұлы арнайы қатысып, қазылар алқасына төрағалық етті.
