Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Түркияға ресми сапары аясында Анкара қаласында білім алып жүрген қазақстандық студенттермен жүздесті.
Бас мүфти Бештепе Ұлттық мешітінде асыр намазын оқығаннан кейін, осы шаһарда діни білім алып жатқан жастармен арнайы кездесу өткізді. Жиын барысында Наурызбай қажы Тағанұлы студенттерге ізгі тілектерін арнап, діни білімді терең меңгерудің маңызына тоқталды.
Кездесу соңында студенттер көкейдегі сұрақтарын қойып, Бас мүфти Наурызбай қажы Тағанұлы шәкірттерге ақ батасын берді.
