Рамазан айында Атырау өңірінде ұйымдастырылған ауызашар дастархандары, тарауих намаздары және әлеуметтік желілер арқылы жамағатқа кең көлемде насихат жұмыстары жүргізілді.
Жалпы, қасиетті ай барысында 1199 насихат айтылып, тұрғындарға Рамазанның мән-маңызы, оразаның тағылымы, қайырымдылық пен ізгіліктің орны кеңінен түсіндірілді.
Бұл насихаттар жамағаттың діни сауатын арттырып қана қоймай, қоғамда бірлік пен бауырмалдықтың нығаюына оң ықпал етті.
