Атырау облысының Бас имамы Исатай ауданына жұмыс сапарымен барып, білім сайысына қатысқан жастармен кездесті.
Қазақ халқының тарихы, әдебиеті, дін мен дәстүр тақырыптары қамтылған білім бәйгесіне қатысып, белсенділік танытқан жастарға Бас имам Алтынбек Ұтысханұлы алғыс айтты.
«Білім – ақ пен қараны ажырататын, адам баласының көзін ашатын Алла Тағаланың адам баласына берген үлкен сыйы. Білім – ақыл мен парасаттың белгісі.
«Ұстазы жақсының-ұстамы жақсы» деп дана халқымыз бекер айтпаған. Әлемдік деңгейде кең қанат жайып келе жатқан ғаламдану үрдісінде әр халықтың өзіндік бет – бейнесін сақтап қалуы мен ұлттық ерекшеліктерді қазіргі өркениет талаптарына сай жетілдіру мәселесі зор маңызға ие болып отыр. Халықтың рухани құндылықтары ақпараттар ағымымен, жан- жақтан еніп жатқан жат түсініктер тасқынында жоғалып кетпеуі үшін жас ұрпақтың білімі жоғары болуы тиіс» деп атап өтті Бас имам Алтынбек Ұтысханұлы.
