Бүгін, қасиетті жұма күні, Атырау облысының бас имамы Болатбек Ұласқанұлы қоғамдық тамақтану орны – «Cakes & Bakes» кондитерлік орталығына халал сертификатын табыстады.
Сертификат Қазақстан мұсылмандары діни басқармасының «Халал Даму» бөлімінің талаптарына сәйкес берілді. Шара барысында бас имам халал стандарттарын сақтаудың маңыздылығына тоқталып:
«Халал – тек тағамның құрамы ғана емес, ол – адалдық, тазалық, сенім мен жауапкершілік. Халал сертификаты тұтынушыға сенімді өнім ұсыну жолындағы маңызды қадам», – деді Болатбек Ұласқанұлы.
Кәсіп иелері өз тарапынан адал өнім өндіру мен қызмет көрсету сапасын арттыруға уәде берді.
