Жамбыл облысы, Байзақ ауданының бас имамы, Қазақстан мұсылмандары діни басқармасы, республикалық ақпараттық насихаттық топ мүшесі, ұстаз Қанат Жұмағұл Атырауға жұмыс сапарымен келді.
Сапар барысында Қанат Жұмағұл орталық «Иманғали» және «Бақтыгерей молла» мешіті жанындағы сауат ашу орталықтарында болып, білім алып жатқан шәкірттермен жүздесті.
Сондай-ақ, Құспан молла, Әт-Тақуа, Қ.Мұңайтпасов мешіттерінде болып, жамағатпен жүздесті. «Иманғали» орталық мешітінде “Уақып—сауабы үзілмейтін садақа” тақырыбында жұма уағызын жүргізді.
Бұдан бөлек РАНТ мүшесі ұстаз Қанат Жұмағұл Қызылқоға ауданына арнайы барып, жамағатпен жүздесіп, «Бәйтерек» мешітінде уағыз айтты.
