Атырау орталық «Иманғали» мешітінің наиб имамы Ерболат Боханов және ұстазы Олжас Скаков Мақат ауданына жұмыс сапарымен барды.
Сапар аясында ұстаздар Мақат орталық мешітінде жергілікті жамағатпен жүздесіп, ауызбіршілік бағытында уағыз-насихат айтты.
«Қазақта «Бірлігі бар ел озады» деген сөз бар. Расымен де, төртеуі түгел болса, төбедегі келеді. Ислам дінінің түпкі мақсаты да – адамдарды татулықта, бейбітшілікте жұмылдыру. Біз барлық ізгі мақсаттарға бірлігіміз арқылы ғана жетеміз» деп атап өтті ұстаз Ерболат Боханов.
Орталық «Иманғали» мешітінің баспасөз-қызметі.
