48
Ораза айт мерекесі қарсаңында 100 отбасын қуанышқа бөлеген игі шараға өңірдің бас имамы Болатбек Ұласқанұлы қатысып, ізгі тілегін жеткізіп, айт мерекесімен құттықтады.
Бүгінгі қасиетті Ораза айт мейрамында сіздермен бірге болып, жүректеріңізге қуаныш сыйлауға ниеттіміз. Бұл күн – мейірімділік пен бауырмалдықтың, қамқорлық пен шүкіршіліктің мерекесі.
Алла Тағала Құран Кәрімде: “Кімде-кім бір жақсы амал жасаса, оған оның он есе қарымы беріледі”, – деп сүйіншілеген. Біз бүгін осында сіздермен жүрек жылуын бөлісіп, Алланың разылығы үшін қайырымдылық жасап отырмыз.
Біз сіздердің қуаныштарыңызға ортақпыз. Алла Тағала сіздерге сабыр берсін, дендеріңізге саулық, жүректеріңізге шаттық, отбасыларыңызға береке нәсіп етсін! Бүгінгі айт мейрамы баршаңызға құтты болсын! Алла әрбір игі амалдарымызды қабыл етсін,айттық сыйлығымызды қабыл алыңыздар,-деп тіленін білдіріп бата берді.
Қайырымдылық шарасында жалғызбасты, мүгедек және асыраушысынан айырылған отбасы мүшелері және арнайы автобаза мекемесінің қызметкерлері қамтылды.
