Ассалаумағалейкүм, ардақты ағайын, қадірлі жерлестер!
Сіздерді 1 мамыр — Қазақстан халқының бірлігі күнімен шын жүректен құттықтаймын!
Бұл — сан түрлі ұлт пен ұлысты бір шаңырақтың астында тату-тәтті өмір сүруге үндейтін айрықша мереке.
Бұл — ел бірлігінің, татулық пен түсіністіктің, бейбітшіліктің белгісі.
Ислам діні – бейбітшілік пен бірлік діні. Құран Кәрімде Алла Тағала: «Шынында, мүміндер – бір-біріне бауыр» – деп бізге бауырмал болуды бұйырған.
Пайғамбарымыз Мұхаммед (с.ғ.с.) да үмбетін әрдайым татулыққа, кешірім мен қайырымдылыққа шақырды.
Ата-бабаларымыз да «Бірлік болмай, тірлік болмас» деп бекер айтпаған. Бірлігі жарасқан ел ғана өсіп-өркендейді.
Бірлік — ұлт болашағының негізі. Сол үшін әрбіріміз қоғамға ізгілікпен, көркем мінезбен үлгі болайық.
Араздық емес — араша болу, дүрдараздық емес — достықты дәріптеу — имандылықтың белгісі.
Алла Тағала ел ішінде тыныштық пен берекесін арттырғай!
Отбасыларыңызға бақ-береке, жүректеріңізге иман мен мейірім тілеймін.
Мереке құтты болсын! Бірлігіміз мәңгілік болғай!
Құрметпен,
Атырау облысының бас имамы
Болатбек Ұласқанұлы
