Атырауда орталық «Иманғали» мешіті жанындағы Қайырымдылық мекемесінде кезекті ізгілік шарасы өтті.
40-тан астам отбасына күнделікті, жылы сырт киімдер мен аяқ киімдер үлестірілді.
Атырау облыстық орталық «Иманғали» мешітінің Бас имамы Алтынбек Ұтысханұлының айтуынша, қайырымдылық бағытындағы шаралар жыл мезгілдерінің әр айында тұрақты ұйымдастырылып отырады.
Айта кетсек, 2021 жылы Бас мүфти Наурызбай қажы Тағанұлының арнайы қатысуымен ашылған Атырау облыстық орталық «Иманғали» мешіті жанындағы Қайырымдылық орталығы мешітке тапсырылған киім-кешектерді, тұрмысқа қажетті заттарды қабылдап, сұрыптап мұқтаж отбасыларға тарату ісімен айналысады.
