Атырау облысының бас имамы Болатбек Ұласқанұлы Құрманғазы ауданына іс-сапармен келді. Сапар барысында аудан басшысы Абат Жанғалиевппен кездесті.
Кездесу барысында тараптар аудандағы діни ахуал, рухани саладағы өзекті мәселелерді талқылады.
Бүгінгі кездесуге мүмкіндік бергеніңіз үшін шынайы алғысымды білдіремін. Бұл басқосу аудандағы діни ахуал мен рухани-тәрбиелік жұмыстардың тиімді жүзеге асуына өз септігін тигізетініне сенімдімін.
Бүгінгі таңда еліміздегі діни тұрақтылық – мемлекеттік саясаттың басым бағыттарының бірі. Қазақстан мұсылмандары діни басқармасының өңірлердегі өкілдері ретінде біздер халықтың діни сауатын арттыру, деструктивті ағымдардың алдын алу, сондай-ақ қоғамда бірлік пен ынтымақты нығайту бағытында қызмет етіп келеміз.
Аудан көлемінде діни ахуал негізінен тұрақты. Дегенмен, жаһандану үдерісі мен ақпараттық кеңістіктің ықпалын ескере отырып, рухани тәрбие мен діни ағартушылық жұмыстарын жаңа деңгейге көтеру қажеттілігі туындап отыр.
Осыған орай, әкімдік пен мешіт арасындағы өзара әріптестікті жандандыра беретін боламыз,-деп тілегін жеткізді бас имам.
Бас имам кездесу соңында аудан әкіміне мүфтият баспасынан жарық көрген “Бабалар ізімен: Қазақ даласындағы мұсылмандық мектеп” кітабын тарту етті.
Өз кезегінде Абат Сайфоллаұлы да бас имамға ризашылығын білдіріп, рухани саладағы жұмыстарды бірлесіп атқаруға уағдаласты
