73
Мақат аудандық орталық мешітінде Рамазан айына орай рухани кеш өтті.
Қазақстан мұсылмандары діни басқармасы Әйел-қыздар секторының Мақат ауданындағы өкілдігі ұйымдастырған игі шарада Рамазан туралы насихаттар айтылып, әже-аналарға құрмет көрсетілді.
«Рамазан айы жыл ішіндегі ең абзал ай болып саналады. Оның артықшылығы жайында көптеген хадистер бар. Ол туралы ұлы ғалымдар тарапынан шексіз мақтаулар айтылып, кітаптар жазылған. Бірақ Құран жайындағы мақтаулардың ең ұлығы бүкіл әлемнің Раббысы – Алланың өз кітабында айтқандары. Рамазан сондай ақ, рақым айы. Рамазанда үлкен-кішіге құрмет көрсетіп, рухани сұхбаттарды көбейтудің сауабы мол» дейді Мақат аудандық орталық мешітінің имамы Біләл Сағындықов.
