Алтынбек Ұтысханұлы Жылыой жамағатымен жүздесті

Атырау облысының Бас имамы Алтынбек Ұтысханұлы Жылыой ауданына жұмыс сапарымен барды.

Сапар аясында Жылыой аудандық орталық мешітінде жұма намазын жүргізіп, насихат айтты.

Өмірдің қадір-қасиеті тақырыбында уағыз айтқан Бас имам Алтынбек Ұтысханұлы жамағатты кез-келген қиындыққа сабыр етуге шақырды.

“Қандайда бір сынақтың артында жақсылық бар. Адам қиындыққа мойымауы керек. Өмір – адамға берілген аманат” деп атап өтті Бас имам Алтынбек Ұтысханұлы.

Кездесу соңы жамағат тарапынан қойылған сұрақтарға жауаппен жалғасты.

Орталық “Иманғали” мешітінің баспасөз-қызметі.