Қазақстан мұсымандары діни басқармасы Әйел-қыздар секторының Атырау облысы бойынша өкілдігінің ұйымдастыруымен бірқатар рухани шаралар өтті.
Соның бірі – «Мұсылман әйелдің бейнесі» атты облыстық семинар. Семинар барысында белгілі ұстаз, Әйел-қыздар секторының Атырау облысы бойынша өкілдігінің жетекшісі Ардақ Сайынқызы дәріс оқыды.
«Алла Тағаланың көркем жаратылыстарының ішінде тәні нәзік, жаны сұлу болған жаратылыс ол – әйел. Оның күштілігі – оның әлсіздігінде. Әйел неғұрлым нәзік болса, оның бейнесі соғұрлым көркемдене түседі.
Әйел – ерлерге қарағанда әлсіз, мейірімді әрі сабырлы келеді. Олардың жаратылысындағы ерекшелікті Алла Елшісі с.а.с. былайша сипаттады: “Әйелдердің еркектерден артықшылығы олардың сезімтал етіп жаратылуында. Дегенмен, Алла оларды ұялшақ қылап жаратқан ” деп атап өтті ұстаз Ардақ Сайынқызы.
Сондай ақ, әйелдер арасында рухани марафон өтті. «Намазыңды әсемде» атты марафонда әйелдер жамағатына діни, рухани білімдер берілді.
