Атырауда орталық «Иманғали» мешітіне қарасты Құран жаттау және сауат ашу орталығы шәкірттерді қабылдап жатыр.
Орталықтың жауапты ұстазы Олжас Скаковтың айтуынша, Құран жаттау және сауат ашу орталығында шәкірттер 3 жыл білім алады.
«Біз негізінен мектеп бітірген оқушыларды қабылдаймыз. Үш жыл оқудан кейін түлектерге орталықтан білім алғандығы жөнінде арнайы сертификат беріледі. Бізден алған білімін шәкірттер колледждерде, Нұр Мүбарак университетінде жалғастыра алады. Рухани жолды таңдап, еліміздегі діни ағартушылық саласына өзін арнағысы келген жастарды күтеміз» деді Орталықтың жауапты ұстазы Олжас Скаков.
Орталықта білім алу тегін. Шәкірттер жатақханамен қамтамасыз етілген.
