Қазақстан мұсылмандары діни басқармасының төрағасы Наурызбай қажы Тағанұлы Әзербайжан Республикасына барған сапарында Шуша қаласында өткен халықаралық конференцияға қатысты.
Халықаралық басқосуда дін қайраткерлері догматизмге, радикализм және экстремизмге апаратын көзқарасты өзгертудің маңызын талқылады.
Сонымен қатар жастарды деструктивті діни ағымдардың ықпалынан сақтандыру, қоғамға адамгершілік құндылықтарды дәріптеу, қазіргі әлемдік сын-қатерлерге жауап беру, дінаралық достықты нығайту сынды мәселелер сөз болды.
Басқосу соңында дін қайраткерлері жалпыға ортақ мақсаттарды жүзеге асыруға уағдаласты.
