Болатбек Ұласқанұлы Құрманғазы ауданына сапары кезінде аудандық Темірәлі мешіті мен діни сауат ашу орталығының тынысымен танысты. Ауданның бас имамы Еламан Жасөмірұлының айтуынша орталықта 30 шәкірт құран жаттауда. Шәкірттерге барлық жағдай жасалған. Орталықта дәріс бөлмесі, асхана, ұстазадар кабинеті, кітапхана және тахаратхана бар.
Діни сауат ашу – дін үйренудің алғашқы баспалдағы. Мешіт жанындағы осындай орталықтар арқылы жастарымыз имандылыққа бет бұрып, ұлттық рухани құндылықтармен сусындайды. Тек дін маманы ғана емес болашақта қай саланың тұтқасын ұстасаңыздар да әуелі құдайын таныған, иманды, азамат болып қалыптасу басты міндет. Бұл – болашаққа салынған берік негіз,” – деді бас имам.
Кездесу соңында бас имам ұстаздар мен шәкірттерге сәттілік тілеп,батасын берді
