amin.kz/ 8 шілде, 2020 жыл. ҚМДБ Төрағасы, Бас мүфти Наурызбай қажы Тағанұлының бұйрығымен белгілі дін қызметкері, РАНТ мүшесі Сманов Дінмұхаммед Әбдіжаппарұлы «Сарыағаш» медресе-колледжінің директоры қызметіне тағайындалды.
Дінмұхаммед Сманов 1985 жылдың 19 қазанында Түркістан облысы Сарыағаш ауданы Ынтымақ ауылында дүниеге келді. 1991-2002 жылдары С.Майлықожа атындағы орта мектепте білім алды.
2003-2005 жылдары Алматыдағы Сұлтанқорған мешітінің Құран Кәрім курсын, 2007-2009 жылдары Сауд Арабиясының Араб тілі институтын, 2009-2013 жылдары Сауд Арабиясындағы «Ислам» университетінің Шариғат факультетін үздік бітірді. 2015-2017 жылдары Шет тілдер және іскерлік карьера университетінің Дінтану мамандығы бойынша магистр дәрежесін қорғады.
Еңбек жолын 2015-2017 жылдары Көкшетаудағы «Науан хазірет» мешітінің наиб имамы болып бастады. 2017 жылдан елордадағы «Әзірет Сұлтан» мешітінің ұстазы, 2020 жылдың қаңтарынан бастап осы мешіттің наиб имамы қызметін атқарды.
