Қасиетті Рамазан айының құрметіне Атырау қаласындағы «Мәулімберген» мешіті балаларға жеміс-жидек таратты.
Тасқала ауылында ашық аспан астында өткен акция барысында барлығы 30 балаға жеміс үлестірілді.
«Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бастамасымен еліміздің түкпір-түкпірінде өтіп жатқан «Берекелі Рамазан керуені» акциясы аясында біз кішкентай бүлдіршіндерімізді қуантуды жөн деп таптық.
Рамазан – рақымшылық айы, береке айы. Рамазанның ізгі мереке екендігін сәбилеріміз де сезінуі қажет» дейді «Мәулімберген» мешітінің имамы Мақсот Бағытжанов.
![](https://amin.kz/wp-content/uploads/2021/05/img-20210507-wa0103-768x1024.jpg)
![](https://amin.kz/wp-content/uploads/2021/05/img-20210507-wa0105-768x1024.jpg)
Еске сала кетелік, бұған дейін Рамазанның 22 күнінде облыс мешіттерінде 2145 мұқтаж отбасына жалпы салмағы 20 тонна болатын бірінші қажеттіліктегі азық-түлік пакеттері таратылғанын хабарлаған болатынбыз.
Қайырымдылық марафоны жалғасуда.
Орталық “Иманғали” мешітінің баспасөз-қызметі.