Атырау селолық мешітінде қайырымдылық шарасы өтті

Атырауда Атырау селолық мешітінде наурыз мерекесіне орай қайрымдылық шарасы өтті.

Іс шара аясында 10 отбасына азық-түлік таратылды. Акция әлеуметтік жағдайы төмен, мұқтаж отбасыларды қамтыды.

“Қайырымдылық шарасы тұрақты түрде өтіп тұратын болады. Біз әр ай сайын 10 отбасын азық-түлікпен қамтамасыз етуді жоспарлап отырмыз. Мақсатымыз – қамкөңіл жандарға қамқорлық таныту. Халқымыз ешқашан жетімін жылатпаған, жесірін қаңғытпаған” дейді Атырау селолық мешітінің наиб имамы Асылбек Тілепбергенұлы.

Еске сала кетелік, қайырымдылық шараларын күшейту – Қазақстан мұсылмандары діни басқармасы бекіткен 7 негізгі бағыттың бірі.

Орталық “Иманғали” мешітінің баспасөз-қызметі.