Атырау: Сұлтан Бейбарыс мешіті 100 отбасына 1 тонна жеміс-жидек үлестірді (+ ВИДЕО)

Атырау қаласындағы Сұлтан Бейбарыс мешітінде 100 отбасына жеміс-жидек таратылды.

Әр отбасына 10 келіден таратылған жеміс-жидектер қасиетті Ережеп айының құрметіне үлестірілді.

“Ережеп – ізгіліктің, қуаныштың, шаттықтың айы. Мұсылман біріне-бірі бауыр десек, осындай ізгілік шаралар адамдарды бір-біріне жақындата түседі” дейді Сұлтан Бейбарыс мешітінің имамы Ержан Қағазғалиев.

Айта кетсек, бұған дейін Бас мүфти Наурызбай қажы Тағанұлы аталмыш мешітте мұқтаж отбасыларына азық-түлік түрінде Ережеп айының сыйлықтарын таратқан болатын.