Атырауда “Мәулімберген” мешіті 25 отбасына қаржылай көмек көрсетті

“Мектепке жол” акциясы аясында Атырау қаласының Тасқала ауылындағы “Мәулімберген” мешітінде қайырымдылық акциясы өтті.

Іс-шара аясында әлеуметтік жағдайы төмен 25 отбасына 250 мың теңге көлемінде қаржылай көмек берілді.

Сондай ақ, 10 балаға сөмке,  оқу құралдары және 6 балаға спорт киімдері табыс етілді.

Еске сала кетелік, тамыз айынан бері еліміздің барлық мешіттерінде республикалық “Мектепке жол” акциясы аясында көп балалы, әлеуметтік жағдайы төмен отбасы балаларына киім-кешек, оқу құралдары және қаржылай көмек берілуде.

Орталық “Иманғали” мешітінің баспасөз-қызметі.