Белгілі ғалым Рабиға Төлебай Жылыой жастарымен жүздесті

Египет Араб Республикасы, Каир қаласындағы Каир университетінің ұстазы, профессор Рабиға Төлебай Жылыой ауданына арнайы сапармен келіп, жастармен жүздесті.

Хафиз, Абай өлеңдерін араб тіліне аударған, Әл-Азхар университетінің Құран тәпсір және Ақида саласын тәмәмдаған Рабиға Төлебайдың жастармен кездесуі – Жылыой аудандық жастар үйінде өтті.

Медициналық колледж студенттерімен кездесуінде ғалым, ұстаз Рабиға Төлебай жастарды білім алуға, ізденуге, елдің дамуына үлес қосуға шақырды.

“Ислам – өркениеттің, ғылымның діні. Кезінде шығыс ғалымдары Еуропаға өркениетті апарған. Біз ғалымдарымыздан қалған мұраны жалғауымыз керек” деді ғалым Рабиға Төлебай.

Кездесулер одан әрі Жылыой аудандық орталық мешітінде жалғасты.

Орталық “Иманғали” мешітінің баспасөз-қызметі.