Құрбан айттың үшінші күні республика бойынша 48 252 мұқтаж отбасыға құрбандық еті жеткізілді.
Республика бойынша 11 689 қой, 981 ешкі, 706 ірі қара және 1 түйе шалынса, айттың соңғы күні qurban2022.kz сайты арқылы құрбан шалуға 208 тапсырыс келіп түскен. Онлайн тапсырыс беру бойынша 170 қой, 26 ешкі, 2 ірі қара және 7 адам бірігу арқылы 10 ірі қара құрбандыққа шалынды.
Еліміз бойынша qurban2022.kz сайтына қашықтан құрбан шалуға тапсырыс берген азаматтардың уәкілдік құрбандығы толығымен орындалды. Осы уәкілдік құрбандығының есебі, яғни, атқарылған іс-шаралардың фото, видео мәліметі толық жіберілді.
Еске сала кетейік, биыл елімізде құрбан шалу рәсімі офлайн және онлайн форматта атқарылды. Шалған құрбандық, ізгі ниет қабыл болсын!
![](https://amin.kz/wp-content/uploads/2022/07/fcd52f69-1e8c-4e48-af20-6e2555d23406-1024x768.jpg)
![](https://amin.kz/wp-content/uploads/2022/07/1904ef0c-956f-4dbb-a347-b2c7b2cc9df6-768x1024.jpg)
![](https://amin.kz/wp-content/uploads/2022/07/4d0a6fe8-ac46-4ced-8ea9-942169dd03bf-1024x461.jpeg)