“Халал Даму”мекемесінің басшысы атыраулық имамдармен кездесті

Атырау облысына арнайы жұмыс сапары аясында Қазақстан мұсылмандары діни басқармасы “Халал Даму” халал стандарттау және сертификаттау мекемесі директоры Айбек Аташев атыраулық имамдармен кездесті.

Кездесу барысында адал ас ішудің исламдағы, жалпы адам саулығына пайдасы хақында айтылды.

“Имамдарымыз халық арасында көп жүреді. Демек, адал астың маңызы туралы да насихат көбірек айтылуы керек. Адал жүріп, адал несібе табуды бұйырғаны секілді, ислам дінінде адал ас ішудің маңызы өте зор.

Сонымен бірге, адамдар көп шоғырланатын қоғамдық тамақтану орындарының халал стандартын алғандығына да маңыз бергеніміз жөн.

 Жалпы алғанда, соңғы жылдары халықтың «халал, харам» жөнінде мәліметі артып, тұтынатын өнімдерінің адалдығына аса ұқыптылық танытуда. Сондай-ақ, халал асқа сұраныс артып келеді. Бұл атқарылып жатқан ортақ жұмысымыздың нәтижелі көрінісі” деп атап өтті кездесу барысында Қазақстан мұсылмандары діни басқармасы “Халал Даму” халал стандарттау және сертификаттау мекемесі директоры Айбек Аташев.

Орталық “Иманғали” мешітінің баспасөз-қызметі.