Атырауда орталық «Иманғали» мешітінің ұйымдастыруымен зияткерлік сайыс өтеді.
Сайыс – адамзаттың ардақтысы, екі дүние сардары Пайғамбарымыз Мұхаммед (с.ғ.с) өмірбаянын насихаттау мақсатында ұйымдастырылғалы отыр. Ислам дінінің негізін қалаушы Мұхаммед (с.ғ.с) Пайғамбардың ғұмырнамасы туралы ілімді жетілдіруге арналған сайысқа 16-50 жас аралығындағы кез-келген азамат қатыса алады.
Сайыс сұрақ-жауап форматында өтеді. Үміткерлердің білімін білікті дін ғалымдары, ұстаздар сараптайды.
Бас жүлде – кіші қажылыққа жолдама. Жүлделі орындарға қаржылай сыйақылар табысталады.
Сайыс 28 қаңтар күні сағат 10.00-де Атырау қаласы, Әбілхайыр хан 58 даңғылында орналасқан Абай орталығында өтеді.
Тіркелу үшін ұстаз Мақсат Қайратұлына +7 708 524 9894 байланыс номері арқылы жазылу сұралады.
Үміткерлерді тіркеу 27 қаңтар күні аяқталады.
Орталық «Иманғали» мешітінің баспасөз-қызметі.
