amin.kz/ 28 сәуір, 2020 жыл. Атырау облысының Бас имамы Алтынбек Ұтысханұлының бастамасымен «Иманғали» мешіті жанынан құрылған «Ықыласты бауырлар» қайырымдылық орталығының еріктілері Индер ауданындағы бірнеше ауылдарды аралап, мұқтаж отбасыларға азық-түлік таратты.
Көктоғай, Өрлік, Есбол, Ынтымақ ауылдарындағы әлеуметтік жағдайы төмен, көп балалы отбасыларды, жалғызбасты қарттардың шаңырағына барып, бірінші қажеттіліктегі азық-түлік пакеттерін табыс етті.
«Ізгілік акциясы Бас мүфти Наурызбай қажы Тағанұлының тапсырмасымен еліміздің түкпір-түкпірінде жүзеге асырылып жатқан «Қайырымдылық керуені» жобасы қосып отырған үлесіміз. Акция карантин жағдайындағы Рамазанмен тұспа-тұс келіп отыр.
Мың айдан да қайырлы Рамазанның сауабы өзгермейді. Қазіргідей қысылтаяң жағдайда бір-бірімізге көбірек демеу болайық» дейді Атырау облысының Бас имамы Алтынбек Ұтысханұлы.
Еске сала кетелік, Атырау қаласы және Индер ауданынан бастау алған қайырымдылық акциясы аймаққа қарасты барлық аудандарды қамтиды.
![](https://amin.kz/wp-content/uploads/2020/04/1-1-3-1024x576.jpg)
![](https://amin.kz/wp-content/uploads/2020/04/1-2-1-1024x576.jpg)
![](https://amin.kz/wp-content/uploads/2020/04/1-4-1-1024x576.jpg)
![](https://amin.kz/wp-content/uploads/2020/04/1-5-1-1024x576.jpg)
![](https://amin.kz/wp-content/uploads/2020/04/1-8-1-1024x682.jpg)
![](https://amin.kz/wp-content/uploads/2020/04/1-9-1-1024x682.jpg)
![](https://amin.kz/wp-content/uploads/2020/04/1-7-1-1024x682.jpg)
![](https://amin.kz/wp-content/uploads/2020/04/1-6-1-1024x576.jpg)
Орталық «Иманғали» мешітінің баспасөз-қызметі.