“Жылу сыйла”: Атырауда қайырымдылық акциясы өтті (+ ФОТО, + ВИДЕО)

Бүгін Атырау облыстық орталық “Иманғали” мешітінде кезекті қайырымдылық акциясы өтті.

Онда Атырау қаласындағы № 28 орта мектебінде оқып жатқан әлеуметтік жағдайы төмен отбасының тоғыз баласына киім-кешектер табыс етілді.

“Адам баласы қоғамда өмір сүруге бейім жаратылғандықтан, бір-біріне мұқтаж. Осындай мұқтаждық адамдардың бір-біріне жәрдемдесуін, бір-бірінің кем-кетігін толтыра отырып, үйлесім негізінде өмір сүруін талап етеді.

Алла Тағала: «Сендер адамдардың арасынан шығарылған қайырлы үмбет болдыңдар..» (Әли Имран, 110) деп, мұсылмандарды жақсылық жаршылары ретінде сипаттап, ұдайы жақсылық жасауға шақырған.

Қазақстан мұсылмандары діни басқармасының негізгі жұмыс бағыты – қайырымдылық болып қала береді. Демек, мұндай жылулық акциялары жалғасады” дейді Атырау облысының Бас имамы Алтынбек Ұтысханұлы.

Орталық “Иманғали” мешітінің баспасөз-қызметі.