Атырау облысының Бас имамы Алтынбек Ұтысханұлы Құрманғазы ауданына сапары аясында 6 отбасына пәтер кілтін табыс етті.
Баспана кілттері Райгүл Адырапова, Айнагүл Аманова, Анаргүл Жұмағазиева, Данагүл Сариева, Меңдібай Мұғаловқа табыс етілді.
«Жанашыр халқымыздың, мешіттеріміздің үлесімен баспаналы болып отырсыздар. Баспана іші құт-берекеге толсын! Ел үшін еңбек ететін салиқалы ұрпақ өсіп-өнетін шаңырақ иелері болуды нәсіп еткей» деді Атырау облысының Бас имамы Алтынбек Ұтысханұлы.
Еске сала кетелік, Қазақстан мұсылмандары діни басқармасы бірнеше жылдан бері «Ел үлесі – пәтерге» жобасын жүзеге асырып келеді. Аталмыш жоба аясында әлеуметтік жағдайы төмен, мұқтаж отбасыларға және дін қызметкерлеріне баспана беріліп келеді.
![](https://amin.kz/wp-content/uploads/2022/02/img-20220204-wa0013.jpg)
![](https://amin.kz/wp-content/uploads/2022/02/img-20220204-wa0014.jpg)
![](https://amin.kz/wp-content/uploads/2022/02/img-20220204-wa0061-1024x576.jpg)
![](https://amin.kz/wp-content/uploads/2022/02/img-20220203-wa0095-1024x682.jpg)
Орталық «Иманғали» мешітінің баспасөз-қызметі.