Атырауда “Дін – тәрбиенің рухани тірегі” атты кеш өтті

Рухани кеш Атырау қалалық мәдениет, тілдерді дамыту және дене шынықтыру және спорт бөлімінің ұйымдастыруымен өтті.

Құрманғазы атындағы мәдениет сарайында өткен іс-шараға Атырау селолық мешітінің наиб имамы Асылбек Ғұмаров және ұстаз  Бейбітбек Ғұмаров арнайы қатысты.

Кездесу барысында ұстаздар “Ислам дінінің қазіргі қоғамда алатын орны”, “Ата – ана разылығы”, “Бала  тәрбиесі” және “Рамазан айында ораза тұту” тақырыптарында насихат айтып, қатысушылар тарапынан қойылған сауалдарға жауап берді.

“Ислам – кемелдіктің, руханияттың діні. Ислам – білім алуға, ізденуге, адамды өзін-өзі дамытуға шақырады. Білімді елдің болашағы жарқын” деп атап өтті Асылбек Ғұмаров.

Орталық “Иманғали” мешітінің баспасөз-қызметі.