Атырауда орталық «Иманғали» мешітінде қайырымдылық шарасы жалғасуда. Шағбан айының құрметіне көп балалы, мұқтаж отбасыларға етпен көмек көрсетілді.
Қайырымдылық шарасы 62 отбасын қамтыды.
«Біз үнемі қайырымдылық шарасын өткізіп келеміз. Мақсатымыз – мұқтаж жандардың көңіліне кішкене қуаныш ұялату. Мешіт жанашырлары қолдау білдіріп, азық-түлікпен, киім – кешекпен көмек қолын созып жатады. Мешітке түскен қандай да қайырымдылыққа жұмсалатын дүние міндетті түрде мұқтаж жандардың керегіне жұмсалады. Әр-түрлі жағдайға тап болған жолаушылар да мешітке келіп, көңілі жай табады» ұйымдастырушылар.
Қайырымдылық шарасы әлеуметтік жағдайы төмен шаңырақтарды, «Жусан» операциясымен оралғандарды және экстремизм, терроризм бабымен сотталғандардың отбасыларын қамтыды.
![](https://amin.kz/wp-content/uploads/2022/03/img-20220324-wa0051-1024x576.jpg)
![](https://amin.kz/wp-content/uploads/2022/03/img-20220324-wa0053-1024x576.jpg)
![](https://amin.kz/wp-content/uploads/2022/03/img-20220324-wa0054-1024x576.jpg)
Орталық «Иманғали» мешітінің баспасөз-қызметі.