Атырауда “Иманғали” мешітінде Мәуліт оқылды

Еліміздегі эпидемиялық жағдай кезіндегі сақтық шараларына байланысты, Қазақстан мұсылмандары діни басқармасының тарапынан дәстүрлі Мәулітке байланысты іс-шараларды онлайн режимде өткізу туралы тапсырма берілген болатын.


Осыған сәйкес, Атырау облысының бас имамы Алтынбек Ұтысханұлының ұйымдастыруымен облыстық орталық «Иманғали» мешітінде Мәуліт шарасы өтті.


Екі дүние сардары Мұхаммед пайғамбардың (с.ғ.с) дүние есігін ашқан күннің құрметіне орай ұйымдастырылған іс-шарада Алла елшісіне салауат айтылып, Құран Кәрім сүрелері оқылды.

Рухани шара соңында еліміз бен жеріміздің амандығы үшін дұға жасалды.

Орталық “Иманғали” мешітінің баспасөз – қызметі.