Атырауда мешіт құжаттары тексерілуде

Атырау облысы орталық “Иманғали” мешітінің іс басқарушысы, заңгер Қадырбек Қадыржанұлы іс сапармен Жылыой ауданына барды.

Сапар барысында заңгер Қадырбек Қадыржанұлы Жылыой ауданының имам – молдаларымен кездесіп, мешіт құжаттарының реттілігін тексерді. Және кей мәселелер бойынша сұрақтарға жауап берді.

“Кез келген мекеме секілді, мешіттердің де бекітілген құқықтық мәртебесі бар. Құжаттардың реттілігі – мешіттің еш кедергісіз жұмыс істеуіне ықпал етеді” деп атап өтті орталық “Иманғали” мешітінің заңгері Қадырбек Қадыржанұлы.

Еске сала кетелік, қазіргі таңда Атырау облысы бойынша мешіттер саны 35-ке толығып отыр.