Атырауда орталық «Иманғали» мешітінде 654 балаға сыйлық таратылды.
Айттықтарды балаларға Атырау облысының Бас имамы Алтынбек Ұтысханұлы, «Иман жастары» еріктілері үлестірді.
«Халқымызда «Берсең, балаға бер» деген керемет сөз бар. Ораза Айт – сыйлық алатын, сыйға бөленетін керемет мереке. Барша мұсылман қауымы асыға күтетін мерекеде балаларымызға да ерекше көңіл бөлу маңызды» деп атап өтті Бас имам Алтынбек Ұтысханұлы.
