Атырауда Жұлдыз елдімекеніндегі мешітте мұқтаждарға көмек көрсетілді

Атырау қаласына қарасты Жұлдыз елдімекенінде орналасқан Қажымұқан Мұңайтпасов атындағы мешітте қайырымдылық шарасы өтті.

Қазақстан мұсылмандары діни басқармасының құрылғанына 33 жыл толуына орай ұйымдастырылған ізгілік шарасы аясында 25 отбасына азық-түлік таратылды.

«Қайырымдылық – мүфтият бекіткен басты жұмыс бағыттарының бірі. Біздің мақсатымыз – мешіттерімізді әлеуметтік қолдау көрсететін ірі орталық ретінде де дамыту. Себебі, қамкөңіл жандар мешітке келіп, демеу алып жатады.

Және сабырға келіп, сынаққа сынбауды үйреніп жатады. Халқымызда «Садақа – пәле-жаланың бетін қайтарады» деген керемет сөз бар. Хадистерде де садақаның мал-дүниені кемітпейтіні айтылған. Қайырымдылық шарасына атсалысып жатқан барша жомарт жандарға Алла разы болсын» дейді Қажымұқан Мұңайтпасов мешітінің наиб имамы Мұхамедкәрім Арыстан.

Орталық «Иманғали» мешітінің баспасөз-қызметі.