Қазақстан мұсылмандары діни басқармасы бекіткен жоба – имамдардың тәжірибе алмасу жобасы аясында Атырау қаласына Шымкент қаласы «Әкбар Қажы Шәкірбай» мешітінің имамы Сапарғали Әбдуәлиұлы іс-сапармен келді.
Сапар аясында Сапарғали Әбдуәлиұлы Атырау қаласындағы орталық «Иманғали» мешітінде болып, мешіттің ішкі тыныс-тіршілігімен танысты. Және бірнеше жылдан бері жұмыс істеп келе жатқан орталық мешіт жанындағы медиа студияның жұмысын көрді. Сондай-ақ, мешіттер жанынан жұмыс істеп жатқан жазғы сауат ашу лагерьлерін ұйымдастыру, ондағы оқу бағдарламаларымен танысты.
Сондай ақ, облыс орталығындағы бірқатар мешіттерде болып, жамағатқа қоғам тұтастығы, бірлік тақырыптарында насихат айтты.
![](https://amin.kz/wp-content/uploads/2023/07/whatsapp-image-2023-07-09-at-21.24.29-768x1024.jpeg)