Атырауда Сұлтан Бейбарыс мешіті Наурыз мерекесінің құрметіне орай, садақ атудан жарыс ұйымдастырды.
Іс шараға мешіт қызметкерлері мен жамағат қатысты.
«Наурыз – береке-бірліктің, ынтымақтың мерекесі. Бұл күні халқымыз бір-біріне ізгі тілектерін арнайды, көріседі. Осындай мерекені ұлттық ойындарымызды, салт-дәстүрлерімізді дәріптейтін құрал ретінде пайдаланудың да әбестігі жоқ. Біз садақ ату ойынын таңдап алдық. Садақ ату – адамды мергендікке, жылдам шешім қабылдауға баулиды. Әрі адамның бойындағы жауапкершілік қасиетінің артуына да ықпал етеді» дейді Сұлтан Бейбарыс мешітінің имамы Ержан Қағазғалиев.
![](https://amin.kz/wp-content/uploads/2022/03/img-20220323-wa0050.jpg)
![](https://amin.kz/wp-content/uploads/2022/03/img-20220323-wa0043.jpg)
Орталық «Иманғали» мешітінің баспасөз-қызметі.