Мақат орталық мешітінде жастар арасында білім сайысы өтті

 Мақат аудандық орталық мешітінде жастар жамағаты арасында білім жарысы өтті.


Үш турдан тұратын бәйге барысында жастар Пайғамбарымыздың (с.ғ.с) өмірі, “Фиқһ” ілімі және “Ақида” бойынша білімдерін сарапқа салды.

Тартысты бәсекеде І орынды Мақсат Қамбаров, ІІ орынды Айдын Тілеков, ІІІ орынды Сағынғали Ерболұлы иеленді.

Жеңімпаздарға арнайы дипломдар мен ақшалай сыйлықтар табыс етілді.

“Біздің мақсатымыз – жастарымыздың иманды, білімді, саналы ұрпақтан болып бой түзеуіне үлес қосу. Мұндай білім сайыстары ислам дінінің құлшылықпен бірге, өркениет өзегі екендігін дәріптеу үшін де керек. Ислам – үлкен ғылым. Біз кезінде Еуропаға ғылымды апарған Әл Фараби, Ибн Сина сынды ғалымдарымызды дәріптеуіміз керек” дейді Мақат ауданының бас имамы Біләл Сағындықов.

Орталық “Иманғали” мешітінің баспасөз-қызметі.