Атырау облысының Бас имамы Алтынбек Ұтысханұлы орталық «Иманғали» мешітінің жамағатына Мұрат Мұстафаевты таныстырды.
«Атырау облысы орталық «Иманғали» мешітінің наиб имамы болып тағайындалған Мұрат Мұстафаев білікті маман. Ол оқу-ағарту саласына жауапты болады. Діни білім алуға ниет білдірген Атырау облысының жастарына Мұрат Жамалитдинұлы бағыт-бағдар беретін болады» деп атап өтті Атырау облысының Бас имамы Алтынбек Ұтысханұлы.
Мұстафаев Мұрат Жамалитдинұлы 1987 жылы Түркістан қаласында дүниеге келген.
2011-2014 жылдары «Астана» медресесінде, 2015-2019 жылдары Шымкент қаласындағы Халықтар достығы университетінде «педагогика және психология» мамандығы бойынша білім алған.
2015-2019 жылдары Атырау қаласында орталық «Иманғали» мешітінде наиб имам болып еңбек етті. 2019-2022 жылдары Түркия Республикасындағы Хасеки институтында оқыды.
Орталық «Иманғали» мешітінің баспасөз-қызметі.
