Атырау облысының бас имамы Болатбек Ұласқанұлының төрағалығымен ҚМДБ құжаттарын насихаттау мақсатында өңір имамдарына арналған арнайы жиын өтті.
Басқосуда ҚМДБ тарапынан қабылданған ресми құжаттардың мән-маңызы, оларды жамағат арасында кеңінен түсіндірудің маңыздылығы сөз болып, имамдарға нақты тапсырмалар жүктелді. Сондай-ақ, діни қызметтің бірізділігін сақтау, мешіттерде жүйелі уағыз-насихат жұмыстарын күшейту қажеттігі де айтылды.
Жиын барысында бас имам Болатбек Ұласқанұлы:
«ҚМДБ құжаттары — біздің идеологиялық бағытымыздың негізі. Оларды халыққа дұрыс жеткізу — әрбір дін қызметкерінің міндеті», — деп атап өтті.
Кездесу соңында қатысушылар ұсыныс-пікірлерімен бөлісіп, алдағы жұмыс жоспары нақтыланды.
