Атырау мешіттерінде 1074 бала жазғы лагерьде білім алды (+ФОТО)

Атырауда қала, аудан және ауыл мешіттерінде барлығы 1074 бала жазғы сауат ашу лагерінде білім алды.

Бұл туралы Атырау облысының Бас имамы Алтынбек Ұтысханұлы айтты.

“Жазғы сауат ашу курстарында 668 ұл бала, 406 қыз бала білім алды. Бұл – үлкен көрсеткіш. Екі айға жуық уақытқа созылған сауат ашу курсы барысында шәкірттерге білікті ұстаздар “Әліпби”, “Құран”, “Сира” тақырыптары бойынша дәріс берді. Лагерьлерде сабақпен бірге, рухани тәрбие беру жағына да ерекше назар аударылды” дейді Атырау облысының Бас имамы Алтынбек Ұтысханұлы.

Орталық “Иманғали” мешітінің баспасөз-қызметі.