Атырауда “Мәулімберген” мешіті “Көрісу күнін” атап өтті

Атырауда Тасқала ауылына қарасты “Мәулімберген” мешітінде “Көрісу” мерекесі аталып өтті.

Халқымыздың ғасырлардан бері жалғасып келе жатқан айрықша мереке құрметіне орай, дастархан жайылып, ақсақалдарға, ақ жаулықты аналарға құрмет көрсетілді.

“Көрісу – еліміздің батыс өңірі мен Ресейдің шекаралас аймақтарындағы қазақтардың арасында сақталған ежелгі дәстүр.

Көрісу күні бұрынғы өкпе-реніш кешіріліп, араздық ұмытылады, көрші-көлем бір-бірін шеке асына шақырып, меймандардың отбасына, ағайын-туыстарына амандық-саулық, құт-береке тілейді.

Көрісу — адамдардың бір-біріне амандасып, жақсылық тілейтін қауышу мерекесі ғана емес, жасы үлкендерге ізет көрсетіп, ілтипат білдіретін дәстүрлі көрініс” деп атап өтті іс-шара барысында “Мәулімберген” мешітінің имамы Мақсот Бағытжанов.

Орталық “Иманғали” мешітінің баспасөз-қызметі.