18 қазан – Рухани келісім күніне орай Мақат ауданында кіші аяқ добынан жыл аралық турнир ұйымдастырылды.
Спорттық шараның мақсаты – жастар арасында салауатты өмір салтын насихаттау, достық пен өзара ынтымақтастықты нығайту, сондай-ақ спортқа деген қызығушылықты арттыру.
Тартысты өткен жарыс қорытындысы бойынша жүлделі орындар төмендегідей бөлінді:
І орын – 2000 жылғы жігіттер командасы. Жеңімпаздар 50 000 теңге ақшалай сыйлықпен, кубокпен, медальдармен және алғыс хатпен марапатталды.
ІІ орын – 2002 жылғы жігіттер командасы. Команда 30 000 теңге ақшалай сыйлықпен, кубокпен, медальдармен және алғыс хатпен марапатталды.
ІІІ орын – 2005 жылғы жігіттер командасы. Жүлдегерлер 20 000 теңге ақшалай сыйлықпен, кубокпен, медальдармен және алғыс хатпен марапатталды.
Аталған турнир қатысушылардың спорттық шеберлігін шыңдап қана қоймай, жастар арасындағы достық қарым-қатынасты нығайтуға және рухани келісім мен бірлікті дәріптеуге үлес қосты.
