Қасиетті Құрбан айт мерекесінің алғашқы күнінде Атырау облысы бойынша мешіттерде құрбан шалу рәсімдері ұйымдастырылып, ауқымды қайырымдылық шаралары жүзеге асты.
Айттың алғашқы күні өңір мешіттерінде жалпы саны 350 қой мен ешкі, 5 сиыр құрбандыққа шалынды. Сонымен қатар онлайн форматта 3 ешкі және 27 қой құрбандыққа берілді.
Қайырымдылық шаралары аясында 1000 отбасыға құрбандық еті таратылып, 5 әлеуметтік мекемеге арнайы көмек көрсетілді.
Айта кетейік, Құрбан айт күндері мешіттерде мерекелік шаралар мен қайырымдылық акциялары жалғасуда.
